Lowlands-L is een autematische netposlieste veur een internasionaal pebliek dee
belangstelling hef veur de talen en culturen van de lege lanen an de Noord-
en Oostzeekus (de “Lege Lanen“). Lowlands-L wonnen estuurd deur Listserv bie
LINGUIST. De beheerder is Reinhard (Ron) Hahn.
Lowlands-L is veural erich op de Germaanse talen en de culturen dee dermee verbunnen
bin, zoas ze zich ontwikkeld hemmen in de Lege Lanen: Nederlaans, Zeeuws, Fries,
Nedersaksisch (Nederduuts, Platduuts), Limburgs. Veerder huilt Lowlands-L zich
oek bezig mit de talen en culturen uut aandere delen van de wereld dee hier
een historische baand mee hemmen (Afrikaans, Engels, Schots, talen van laandverhuzers,
pidgins en creooltalen dee op disse talen weerummegaon). Veur zoveer, as ’t
dermee van doon hef, ku-j oek aandere talen en culturen bepraoten.
De belangriekste doelen van Lowlands-L
Wereldwieje commenicasie en samenwarking tussen luui dee belangstelling hemmen
veur de talen en culturen van de Lege Lanen makkelijker maken;
’t veuruuthelpen en makkelijker maken van onderzeuk naor en
onderwies in de talen en culturen van de Lege Lanen;
’t veuruuthelpen van ’t gebruuk van taalkundige en culturele
gegevens angaonde de Lege Lanen in meer algemeen onderzeuk;
’t steunen van
pogingen um de kleine talen en taalvariaanten binnen de Lege Lanen
te bescharmen, de pesisie starker te maken en ’t gebruuk
dervan
an te moedigen;
’t schenken van andach an de kleinere talen en culturen binnen
de Lege Lanen en daorbie de talen en culturen dee neet officieel
erkend wonnen;
’t dienen as forum veur ’t zeuken naor overeenkomsen en verschillen
tussen de talen en culturen van de Lege Lanen;
’t meugelijk maken um te praoten in verschillende talen,
mar wè in talen dee te begriepen bin;
’t verstarken van de taalkundige, culturele en sociale
baand tussen sprekers van de talen van de Lege Lanen, der
naokoemelingen
en kammeraojen.
Gedragsregels
Alle biedragen an Lowlands-L mutten netjes en vriendelijk van aord ween;
Lowlands-L is neet bedoeld veur persoonlijke commenicasie. Dit mu-j via
privékenalen doon;
Ankondigingen van publicasies, pregrammetuur, conferensies, pregramma’s
of vakketures maggen wè, mar gien commerciële biedragen;
A-j via een algemene vraagstelling op Lowlands-L gegevens opvragen, dan
mu-j effen een samenvatting maken veur de aandere lejen, mit daorbie een
vermelding van de luui dee op joew vraagstelling ereageerd hemmen;
Je bin vrie um een taal te kiezen veur de biedragen
an Lowlands-L, mar ’t gebruuk van de volgende talen zie-w ’t liefst: Afrikaans,
Nederlaans,
Vlaams, Fries (alle soorten), Nedersaksisch (alle soorten), Engels en Schots;
Home
