Icelandic

Could this be you? Click to help!

Listen?

Translation: Einar Haraldsson

Location: Reykjavík (Iceland)

Language information: [Click]

Músarindillinn

Einu sinni var músarindill sem gerði sér hreiður í bílskúr. Hann bjó þar með fjölskyldu sinni. Dag einn fóru hann og makinn hans út til að leita að æti fyrir ungana sína, þau skildu ungana aleina eftir.

Eftir stutta stund snéri músarindilspabbinn heim.

“Hvað hefur gengið hér á?”, spurði hann. “Hefur eitthvað komið fyrir? Þið ungarnir lítið út fyrir að vera dauðhræddir!”

“Pabbi!” sögðu þeir, “Stærðar skrímsli kom. Það virtist mjög hrætt! Það starði ofan í hreiðrið okkar með sínum stóru augum! Það gerði okkur dauðhrædda!”

“Ég skil,” sagði hann, “hvert fór það?”

“Það fór í þessa átt!”

“Þið ungarnir bíðið hér,” sagði músarindilspabbinn. “Ég ætla að fara og kenna því lexíu sem það gleymir ekki! Hafið engar áhyggjur ungarnir mínir. Ég næ því.” Svo fór hann á eftir skrímslinu.

Hann flaug fyrir horn og sá ljón á gangi, en músarindillinn var ekki hræddur. Hann lenti á baki ljónsins og byrjaði að garga á það. “Hvern fjandann á það þýða að koma að hreiðrinu mínu og hræða líftóruna úr ungunum mínum?”

Click to help! · Bornholmsk? · Dọnsk tunga? · Götamål? · Gutniska? · Norrländska? · Övdalsk? · Skånska? · Sveamål? · Sydslesvigsk? · Trøndersk?

Fjallaljónið hlustaði ekkert á músarindilinn, heldur hélt göngunni áfram.

Þetta pirraði músarindilinn jafnvel enn meira og hann byrjaði að öskra eins og ljón á fjallaljónið. “Þú átt ekkert með það að koma að hreiðrinu mínu og ef þú kemur þangað aftur,” sagði hann, “þá muntu heldur betur sjá eftir því! Ég kæri mig yfirleitt ekki um ofbeldi, “ sagði hann og lyfti öðrum fætinum upp í loft, “en þá skal ég brjóta á þér bakið á svipstundu!”

Eftir að hafa komið þessum skilaboðum áleiðis, flaug hann heim í hreiðrið.

“Það er ekkert að óttast ungarnir mínir,” sagði hann, “Ég hef kennt skrímslinu lexíu. Það kemur ekki aftur.”