Guernésiais

Guernsey Norman
(Guernsey French, Guernsey “Patois”)

Listen?

Translation: Harry Tomlinson

Location: Guernsey

Facilitation: Mike Szelog

Language information: [Click]

Lé ribet

Lé ribet soulait aver son nid dans la tchértérie. Aën caoup, les daeux viers étaient sortis. I voulaient trachier tchique chaose à mangier pour laeux p’tits et il avaient lâtchi les p’tits à laeux tout saeu.

Oprès aen p’tit d’temps, lé père ribet r’vint ciz li.

“Tchi qui s’est arrivaï, ichin?” s’fait-i. “Tchi qui vous a fait du ma, mes éfànts? Vous avaïz grànd paeux!

“Oh. Pop,” disent-i, “un grànd barboue est v’nu. Il avait la maene si vergine et terriblle! Il a r’gardaï dans not’nid dauve ses grànds iers. Chéna nous a si éffraïs.”

“J’ peux veir,” dit lé père ribet. “Éiouqu’il est parti?”

Click to help! · Armăneashce? · ¿Asturianu? · Bourguignon? · Corsu? · Fá d’Ambô? · Forro? · Gallo? · Jèrriais? · Kreyol Lwiziyen? · Ladin? · ¿Ladino? · Lenga d’òc? · Limba Română? · ¿Llionés? · Lumbaart? · Lunguyê?

· Mirandese? · Молдовеняскэ? · Nnapulitano? · No ling? · Normaund? · Papiá Kristang? · Patuá? · Picard? · Poetevin-   séntunjhae? · Québécois? · Seselwa? · Sèrtchais? · Sicilianu? · Vlaheshte? · ¿Yanito?

“Eh bian,” disent-i, “il est parti par là.”

“Arrêtaïz,” dit lé père ribet, “Je m’en vais lé trachier. Seyaïz tràntchilles, mes éfànts. Je l’erai.” Sus chéna, i s’envole souvente li. Quànd il vient à aen raond dans la rue, i trouve lé lliaon qui marche par là.

Mais lé ribet n’a pas d’paeux. I s’jutche sus l’daos du lliaon et c’menche à l’rouànnaïr. “Pourtchi qu’ tu viens ciz mé,” dit-i, “terrifiaïr mes éfànts?”

Lé lliaon n’li fait pas attentiaon et caontinue sus sen ch’min.

Qui fait, lé ribet, qu’a énne grand’ goule, l’endjiablle acore pus abrement. “Tu n’as autcheun derouet d’y v’nir, je peux t’l’dire! Et si tu r’viens,” dit-i, “tu verras! Je n’veux pas l’faire, je t’assueure,” dit-i, et leuve iune d’ses tchaises, “mais je t’raomprais lé daos atour ma patte dans aen ségaond!”

Sus chéna, i r’tourne à son nid.

“Vlà, mes éfànts,” dit-i, “j’ai dounaï énne bouanne leçaon à ch’têna. I n’r’viendra pas.”