Please click here to leave an anniversary message (in any language you choose). You do not need to be a member of Lowlands-L to do so. In fact, we would be more than thrilled to receive messages from anyone. Click here to read what others have written so far.
What’s with this “Wren” thing?
The oldest extant version of the fable
we
are presenting here appeared in 1913 in the first volume of a two-volume anthology
of Low
Saxon folktales (Plattdeutsche
Volksmärchen “Low German Folktales”)
collected by Wilhelm Wisser (1843–1935). Read
more ...
This
text is in Drenthe Low Saxon. [Drents][English]
Moi, luu van ’t leege laand.
k weet ’t, ik hebbe mij’j ok nog niet veur’ésteld. Dat doe ik dan hierbij.
Mien name is Arend Victorie. Ik bin geboren op 28 augustus 1952 in Tiendeveine, een klein dorpie op veengronden in zuudwest Drenthe. Op de leeftied van dreij jaor bin ik verhuust naor Drieber. En dat is een dorpie wat 800 jaor élee’n op de zaandgronden zien oorsprong had in midden Drenthe. Ik mus wel mit want mien Va en Moe gungen ok. In 1976 bin ik ’étrouwd mit een maagie uut ’t Oogeveine en wij bint daor ok gaon wonen.
Mien interesses bint: alles wat mit ’t Nedersaksisch te maken hef –
cultuur, maor veural de geschiedenis aover wat der vrogger in ’t Olde Laandschap
allemaole of ’éspeuld hef. Die verhaolen bewark ik dan naor een tenielstuk in
de Drentse taol en dat wordt elk jaor ’éspeuld op straotfestivals. Ik bin regisseur
van twee amateur/theatergroepen, iene in Westerbork en ien in ’t Oogeveine. Varder
schrief ik gedichten en af en toe een kort verhaol. Momentiel bin ik drok gangs
mit ’t organiseren van een musical die ik zes jaor ’éleden schreeven hebbe: “Cillie
Nevelhekse”, naor de gelieknaomige novelle van de Oogeveinse schriever/schilder
Albert Steenbergen (1814–1900), het verhaol van een jong maagie dat hier in de
zeuventiende eeuw heur heil zocht had maor deur de bevolking hier of’éschilderd
weurde as zijnde een hekse. Wij haopt dat ’t in 2006 zien premiere kan beleven
as een openluchtspel in “Schoonhoven”, een recreatiegebied bij ’t Hollandscheveld.
Volksverhaolen, sages en legendes, ’t intereseerd mij allemaole en ik probeer dan ok umme de oorsprong van die verhaolen te achterhaolen. Ik haope dat ik wat betreft dizze onderwarpen ok wat respons kriege van mien mede Lowlanders. ’t Mag rustig ok in ’t Engels, Zuudafrikaans of Duuts. Ik kan ’t niet zo good schrieven maor ik kan ’t wel lezen.
Ien tel
Mien harte slat ien tel aover en ik pruuf de rust die in mij is,
as riem dat de eerde bedekt en ’t grüs in zien kolde bewaard.
Totdat de zunne zien warme stralen ök hier lat gelden.
Umme dan zingend een ode te brengen an Brigit godin van dichters en poezie.
Op tastofstaand, vuul ik heur anwezigheid.
Mien geest ontdooit,
riem wordt dauwdruppels en vloeit vruchtbaor op ’t perkament ...
Frontpage
Moi, luu van ’t leege laand.
k weet ’t, ik hebbe mij’j ok nog niet veur’ésteld. Dat doe ik dan hierbij.