鷦鷯

鷦鷯嘅巢不嬲都係喺車房入面。有一日，鷦鷯爸爸同鷦鷯媽媽都飛出去搵嘢食俾佢哋嘅仔女食，將仔女佢哋留喺個巢嗰度。

過咗一陣之後，爸爸返嚟喇。

佢講：「你哋做咩呀？阿仔阿女，邊個整親你哋呀？你哋做咩嚇成咁樣嘅！」

啲仔女就講：「唉呀，爸爸！啱啱嚟咗隻大怪獸。個樣又惡又得人驚！佢用一對好大嘅眼瞪住我哋個巢，嚇死我哋喇﹗」

爸爸就話：「噢﹗敢佢去咗邊呀？」

啲仔女就話：「呀，佢向呢個方向走咗。」

爸爸就講：「哈！我要去追佢。好喇，唔好擔心喇，阿仔阿女！我一定會捉到佢。」

於是鷦鷯爸爸就去追呢隻『大怪獸』。

佢飛咗一陣之後，佢見到一隻獅子喺路上面行緊。

但係鷦鷯唔驚。佢落喺獅子嘅背脊上面開始鬧。佢講：「你點解嚟我屋企嚇親我啲仔女呀？」

獅子唔理佢繼續走。

令講嘢大聲嘅佢更加惡噉鬧，佢話：「我話比你聽呀…你冇權嚟我屋企。同埋，你如果再嚟…唔…雖然我不想噉做…」佢舉起一隻腳講：「我會一腳踩斷你嘅背脊！」

然後鷦鷯爸爸就飛返巢嗰處。

佢話：「阿仔阿女，我已經俾咗呢個嘢一個教訓。佢不會再嚟^o架喇！」