鹪鹩

鹪鹩嘅巢不嬲都係喺车房入面。有一日，鹪鹩爸爸同鹪鹩妈妈都飞出去搵嘢食俾佢哋嘅仔女食，将仔女佢哋留喺个巢嗰度。

过咗一阵之后，爸爸返嚟喇。

佢讲：「你哋做咩呀？阿仔阿女，边个整亲你哋呀？你哋做咩吓成咁样嘅！」

啲仔女就讲：「唉呀，爸爸！啱啱嚟咗只大怪兽。个样又恶又得人惊！佢用一对好大嘅眼瞪住我哋个巢，吓死我哋喇﹗」

爸爸就话：「噢﹗敢佢去咗边呀﹖」

啲仔女就话：「呀，佢向呢个方向走咗。」

爸爸就讲：「哈！我要去追佢。好喇，唔好担心喇，阿仔阿女！我一定会捉到佢。」

於是鹪鹩爸爸就去追呢只『大怪兽』。

佢飞咗一阵之后，佢见到一只狮子喺路上面行紧。

但係鹪鹩唔惊。佢落喺狮子嘅背脊上面开始闹。佢讲：「你点解嚟我屋企吓亲我啲仔女呀？」

狮子唔理佢继续走。

令讲嘢大声嘅佢更加恶噉闹，佢话：「我话比你听呀…你冇权嚟我屋企。同埋，你如果再嚟…唔…虽然我不想噉做…」佢举起一只脚讲：「我会一脚踩断你嘅背脊！」

然后鹪鹩爸爸就飞返巢嗰处。

佢话：「阿仔阿女，我已经俾咗呢个嘢一个教训。佢不会再嚟^o架喇！」