Hiligaynon (Ilonggo) sang Occidental Mindoro

Migrant Dialect of Occidental Mindoro

Could this be you? Click to help!

Listen?

Translation: Antonio Salvadico

Location: Bubug, San José, Occidental Mindoro (The Philippines)

Facilitation: Dante Ferry, Manila (The Philippines) • Featured Guest Contributor

Language information: [Click]

[Dialect of Iloilo]

Ang Maya

Sadto, may maya nga nagapamungad sa isa ka dyutay nga garahe. Sang makalupad na ang ila ginikanan – upang ikuha sang makaon ang ila mga buto – gani’ nabilin nga nagaisahon ang mga ini.

Wala’ nagdugay, nagpuli’ ang amay nga maya.

“Ano ang natabo’ diri?”, pamangkot niya. “Sin-o ang nanakit sa inyo, mga anak? Nga-a daw nahadluk kamo tanan?”

“Hay, Tatay,” siling nila, “wala’ lang madugay may nag-abot nga maligno diri. Daw tama kabangis kag makahaladluk! Gapanglisik ang iya nga mga mata sa atong pugad. Grabe ang kahadluk namon!”

“Amo bala?”, ang nahambal sang amay nga maya. “Diin siya padulong?”

“Didto nga direksyon siya nagkadto.”, ang sabat nila.

“Maghulat kamo!”, siling sang amay nga maya. “Pagasundan ko siya. Indi’ na kamo magkabalaka, akong mga anak, tipuos gid siya sa akon.” Kag naglupad siya para sundan ang maligno. Sa may lilikuan, ang liyon gali’ ang nagalakat-lakat didto.

Wala’ hinadlukan ang maya. Naghapon siya sa likod sang liyon kag iya ini gin-akigan. “Ano ang imo diber nga magkadto sa akong balay, imo pa ginpahug ang akong mga anak?”

Apang wala’ siya ginsapak sang liyon. Nagdiretso ini sang iya paglakat.

Gani’ ini ang dugang nga nagpainit sang ulo ka maya kag nagyawyaw pa gid. “Ang ginahambal ko lang sa imo, wala’ ka sang diretso nga magkadto didto! Kag kung magbalik ka pa,”, hambal niya, “makita mo! Indi’ ko gid ini gusto pag-obrahon,” siling niya, kag dungan alsa ka isa ka tiil, “apang balian ta gid ka ka gusok gamit ang akon nga tiil!”

Kag naglupad siya pauli’ sa ila pugad.

“O, ara’, mga anak,” siling niya, “gintudluan ko na siya ka leksyon. Indi’ na gid siya di magbalik-balik.”