Ste: Nagasaki, Japan

y naam is Tomoki Minohara en ek is 25 jaar oud. Ek is gebore en woon in Nagasaki, ’n distrik op die eiland Kyushu suidwestelik van Japan.

My nuuskierigheid in vreemde tale, veral Nederlands, is geprikkel deur die geskiedenis van Nagasaki. Gedurende die tydperk van isolasie (1641–1853) was Nagasaki die enigste stad wat met sommige Europese lande handel gedryf het. My stad was die sentrum van Nederlandse Studies en die kennis van Nederlands is in Japan versprei. Vir die rede het ek ’n besondere belangstelling in Nederlands.

Orandazaka (“Holland-Helling”) in Nagasaki

Ek is geïntereseerd in minderheidstale en ook dialekte. Tydens my studie aan ’n universiteit in Frankryk, het ek by ’n gastegesin saam met ’n student uit Vlaandere gewoon. In daardie tyd het ek nie Nederlands geken nie maar het wel algemene kennis oor die taalgebied van België, en hy het dikwels die verskille tussen Nederlands en Vlaams aan my verduidelik. Dit was vir my lekker om na sy telefoongesprekke met sy familie in Vlaams (’n dialek van sy streek) te luister. Dit was ‘n wonderlike ervaring en ek het besluit om Nederlands te leer.

Ek het ‘n passie vir tale. Sedert 1996 bestudeer ek hoofsaaklik Romaanse tale. Ek praat Italiaans, Frans, Spaans, Gallies, Portugees en kan Katalaans lees. Ek dra kennis van Korsikaans, Oksitaans, Latyns, en so meer.

’n Paar jaar gelede het ek ’n lys van Engelse woorde van Latynse en Griekse herkoms saamgestel, die etimologie en ’n vergelyking tussen Engels en die Romaanse tale. In 2003 het ek Nederlands en Fries geleer. Voordat ek die Laaglande Tale webwerf ontdek het, het ek die grondbeginsels van sommige tale via die Internet geleer – Duits, Laag-Saksies, Luxemburgs, Stellingwarfs en Afrikaans. Ek is bly om geleenthede te hê om hierdie tale te gebruik.

Ek geniet wêreldwye kommunikasie hier!

Tomoki Minohara
2007
Met help van Elsie Zinsser