Nueva Écija Tagalog

Could this be you? Click to help!

Listen?

Translator: Dante Ferry • Featured Guest Contributor

Location: Manila (The Philippines)

Language information: [Click]

[General 1] [General 2] [Manila] [S. Metro Manila] [Nueva Écija]   

[Modern Spelling] [Baybayin Script]   

Ang Pipit

Nu’ng araw, me namumugad na mag-anak na mayang pipit sa isang munting silungan ng sasakyan. Nakalipad na’y mga magulang na ibon – upang ikuha ng makakai’y mga inakay nila – kaya naiwang nag-iisa’y mga ito.

’Di naglaon, umuwi na’y amang pipit.

“Ano’ng nangyari rine?” eka ng amang pipit. “Sino’ng nanakit sa inyo, mga anak? Nahihintakutan kayong lahat!”

“Naku, Tatang”, eka nila, “me dumating na masamang-loob kangi-kangina lang. Mukha syang mapakabangis at kahindik-hindik! Tinitigan nya ng nakamurilat nyang mga mata ang pugad natin. Takot na takot kami!”

“A, gano’n ba”, eka ng Amang Pipit, “saan sya nagtungo?”

“E do’n po sa gawi ro’n siya nagpunta”, eka nila.

“Tekayo!” eka ng Amang Pipit, “Susundan ko sya. Hwag na kayong mag-alala, mga anak. Ako’ng bahala sa kanya; lagot sya sa’kin.” At lumipad na sya upang sunda’y masamang-loob. Sa me pagliko, ’yung lyon pala’ng naglalakad do’n.

’Di ’yon ikinatakot ng pipit. Dumapo sya sa likod ng lyon at nagsimulang pagalitan ito. “Ano’ng karapatan mong magpunta sa bahay ko”, eka nya, “at tinakot mo pa’ng mga anak ko?”

’Di sya pinansin ng lyon at nagpatuloy sa paglalakad nya.

Ikinainis ito ng pipit at lalo syang tinalakan. “Sinasabi ko lang sa’yo, ala kang karapatang pumunta ro’n! At kapag bumalik ka pa”, eka nya, “makikita mo! Talagang ayokong gawin ‘to”, eka nya at me kasama pang pagtaas ng isang paa, “nguni’t babalian kita ng gulugod sa pamamagitan ng paa ko sa isang saglit lamang!”

At lumipad na nga syang papauwi sa pugad nya.

“O, ayan, mga anak”, eka nya, “tinuruan ko na sya ng aral. Hinding-hindi na sya babalik uli.”